الحريه الماليه 3
فى هذا الجزء سنتحدث عن الانطلاقه الماليه
كيف تبدأ مشروع وتديره بنجاح
لكن دعنا الاول نجهز حضرتك كى تنطلق ..
قد تعترض على الوضع الحالى أو لأنك متعثر ماليا ومديون !
هذا من حقك لكن اقتصاديات السوق مختلفه عن تفكيرك . لأن العمل وقت الأزمات فيه مكاسب أكبر من استقرار السوق والتوسع فى المبيعات وسأعلمك كيف يتم ذلك وكيف ممكن أن تغتنى وقت الازمات والركود .
نبدأ من تحت الصفر . حضرتك مديون وعليك حقوق لناس عليك وبالتالى لا يمكن أن يرى مشروعك النور .
ما رأيك لو استخدمنا اسلوب البلاسيبو المستخدم فى الطب كعلاج لحالتك ؟
وأرجوك اياك تنسى أن الكون يقدر كويس جدا يقرأ شعورك ويعرف نواياك . فرجاء التحلى بالذكاء فى التفكير والتصرف معا .
بداية قبل الغنى والوفره . أعلم ان المال لا دين له ولا عهد واذا لم تحترف ادارته ! فسوف يقوم هو بادراتك والتحكم فيك وبيعك عند أول فرصه . بل انه هيحضك تفترى على أقرب الناس اليك .
متقعدش تحلم أنك هتكون طيب وعطوف ع الناس وتساعد كل اللى تعرفه وتعمل صدقات ليل نهار . هذه امنيات الفقراء والمال أصلا لا يحب مساعدة الناس بل استعبادهم .
يعنى لازم تكون قوى فعلا وحازم مع نفسك ومع مالك ومع عملك حتى تستطيع ادارة حياتك .
أيضا المال لن يسعدك بل سيوفر لك اللذه والمتعه وكلها اشياء مؤقته . اذا دخلت فى سكة المال وحتى ينتهى بناء مشروعك ! فلن تعرف الراحة ابدا وهتكون ملزم بكل النفقات لعملك ومرتبات الموظفين ودفع الضرائب . ففكر جيدا قبل بداية مشروعك . لأن اللى عنده عمل خاص ! مش بينام ولازم يخلق المال من تحت الأرض كى يوفر نفقات ورواتب الناس اللى بتعمل معه والا ساءت سمعته وحفزهم المال نفسه على كرهك ونهبك وسبك والهروب منك لشركات أخرى .
نبدأ من تحت الصفر . ولازم نفهم عقلية المال ونفسيته لأنه كائن روح قبل ان يتجسد .
المال يشبه تماما شاب مراهق أهوج دوما يبحث عن حريته وهو كثير الانتقال لا يحب الربط ولا الحبس ولا يمكن هدايته . يبقى مؤدب طالما فى جيبك لكنه يتحول الى قليل الادب . عندما يدخل الى عقلك ويحفزك على الانفاق والتباهى خاصة أمام من تحب . فلازم تعرف انه وسيله وليست غايه . سعادته مؤقته وسيجعلك صيد ثمين لكل محتاج وطامع
فلو حضرتك من طبقه فقيره سيكون هذه ميزه وعيب بنفس الوقت . الميزه انه هتقدر تحافظ على مالك أو مشروعك لكن العيب انك لو فكرت أو حاولت تساعد الطبقه اللى انت خرجت منها قبل ان تغطى نفسك ماليا ! هنا سينهار مشروعك وستتعرض للكره والحسد والطمع
يعنى ايه العلاج بالوهم ؟ يعنى هنخدع المال نفسه بعقليته المراهقه ونبدـ فى ايقاف نقد أى شخصيه أو مهنه لان المال لا يحب نقد الاثرياء والحكام والفنانين والراقصات والأغنياء عموما
لذا كف عن نقد واحتقار الناس والمهن ولا تستخف بهم وغير طريقة تفكيرك وقم بتفعيل البركه يعنى بارك للناس أرزاقها ومالها حتى ترتد اليك البركه وتصيبك انت كمان
أولا شىء هتعمل هو تصدير نيه للكون أنك نويت تسديد ديونك وتكون نيه صادقه مش مجرد امنيه مع تنهيده بل تفعلها من قلبك
اعمل لنفسك جدولة ديون وسدد أى بلغ متاح ولا توهم نفسك انك ملزم تسدد المبلغ كله مره واحده قد يعترض المقرض ويقولك لأ ! أنا عايز مالى كله مره واحده
هنا تفتح حساب بنكى وتضع لنفسك قانون شخصى بعدم الاقتراب من أموال الديون لأنها عليك فى كل الاحوال
تانى شىء مهم لازم تعمله . أكتب لنفسك شيك بمبلغ محترم سواء مبلغ الدين أو اكبر منه .
يصرف لأمر : كذا كذا . مبلغ وقدره كذا ومتبقاش لوكال . الشيك يكون بالدولار أ اليورو . ثم احتفظ به .
وجدولة الديون لازم تتغير كلما سددت جزء .
أثناء تسديدك للديون لازم تتعلم الثقافه الماليه وهى ثقافه غير معروفه كتير بالشرق الأوسط .
بتعتمد على مراقبة النفقات وتوسعة الدخل لكنها لا تعتمد على التوفير بل البحث عن الوفره . واياك تحسس المال انك بتوفر من مستوى رفاهيتك . لكن بنفس الوقت عليك التخلص من العادات السيئه وتبدأ صيام الدوبامين .
الدوبامين هرمون السعاده بينطلق لما نكون سعداء بالتواجد مع اشخاص او فى أماكن أو القيام بعادات معينه . وتكراره يسبب الادمان عليها .
لا طال عمرك . عليك بالتخلى عن كل شىء يقوم بانتاج الدوبامين مثل التدخين وبعض الأصدقاء الذى لا يكون فى صحبتهم أى تقدم عقلى أو مادى . وعادات أخرى مثل السهر وطعام الشوارع أو الطعام المعلب .
صيام الدوبامين لن ينجح الا عبر اختيار الألم . مثل انه تعود نفسك على الذهاب للجيم او الطعام الصحى أو وقف التدخين .
وفى حالة اختيار الالام المناسبه لك ! هنا يتم تفعيل قانون التعويض عبر منحك دوبامين من انتاجك وهو ابدى غير مؤقت .
لطالما حضرتك عايز تبقى بيزنس مان . يبقى لازم تغير عاداتك سواء بمزاجك أو غصب عنك وهذا يعتمد على مدى حبك واخلاصك لنفسك .
هل سمعت عن نادى الخامسة صباحا ؟
هذا النادى أعضاؤه الناس الناجحين سواء طلاب أو رجال أعمال أو اثرياء بل وحكام .
تصحى كل يوم الساعه 5 الصبح تستعد لاستقبال العزيمه وتستخدمها وقود ليومك .
العزيمه لها ميعاد محدد بعدها بتضعف . ميعادها من 6 الى 8 صباحا بقوة النار والذى يحملها برج الحمل . بعدها من 8 الى 10 بقوة التراب والذى يحملها برج الثور . بقية الساعات والابراج موضوع تانى هذا ليس مقامه حاليا سنذكره لاحقا بمنشور مفصل .
رجل أعمال يعنى معلم . والمعلم حازم يعرف أسرار المهنه وفرصها ويتجنب مخاطرها . وعلى قدر المخاطره ! يكون المكسب .
لما تبدأ تحول نفسك لمشروع رجل أعمال . فهذا يعنى أن تفكر وتصرف كانك رجل أعمال . يعنى تصاحب الناحجين وأصحاب الفرص والسلطه والحكم والقانون . انما هتقعد تتفشخر ع الطبقه العامله ؟ يبقى انسى ومتصدعش رأسنا وتتهم الناس والحكومه والظروف انها سبب فشلك .
لازم تتعلم ادارة أعمال وتتابع المؤتمرات والمعارض فيما يخص مشروعك وبنفس الوقت عينك على السوق والبورصات وتدرسهم وقرارت الحكومه وقراءات المحليين . ايضا لازم تدرس كورسات وتنفق بسخاء على تعليمك لأنه لك وحدك وهينفعك جدا لما تبدأ شغلك . وتراقب عملك واقتصاد بلدك بعين عالميه ولا تكتفى بالسوق المحلى . شوف غيرك بيقول على مجالك او بلدك ايه . وخد منه العبره والنصيحه أكتر من اعلام بلدك اللى دوما يتغنى بالوطنيه وسخاء الوطن وانه كله تمام والمشاريع بتفتح زى النار .
أى عمل له أسرار . لا تتحدث عن عملك أو دخلك أو خططك للأخرين وخاصة المحترفين فيه . حتى لا يتم احباطك بنكران ما تريده او سرقته وتنفيذه . وكن حريص جدا لو اشركت حد من عائلتك أو اصدقائك فى عملك لأن هيعد عليك أنفاسك وقد يفسد عملك بدون قصد أو عن قصد .
لما ربنا يكرمك وتبدأ عمل . متبقاش طفس وتقيم علاقه عاطفيه أو جنسيه مع اللى شغالين معاك . العمل شىء مقدس الغرض منه تحويل الأفكار الى منتجات . مش نقعد نتحرش بالناس ونتسلى بهم ونستعبدهم . عجب حد ! يبقى الارتباط يكون علنى ويفضل ألا ترتبط مع حد بيعمل معك لو عايز تنجح بسرعه .
تعالى للوضعيه القانونيه . شوف يا مونبيه . القانون تم وضعه لتشغيل النظام . والقانون عموما فى أى دوله بيجرم أى نشاط غير معترف به من الحكومه . فلا تضع أصبعك تحت ضرس الحكومه لأنها هتبتزك وتستغلك وتاخد كل جهدك فى لحظه . لازم يكون لك كيان قانون ليس كى تكون تحت حماية القانون بل أيضا سيوفر لك مظهر اجتماعى محترم . فرجاء وبليز . اعمل شركه سواء فرديه او مشاركه مع أحد وهذا سيكون حديث النقطه القادمه .
الشريك . المثل بيقول الرفيق بل الطريق . لازم ومهم جدا جدا تتحرى الشريك فى العمل . لانه فيه شريك مش بتاع شغل أو ممكن يتصرف خطا أو يكون جعان ويسرقك أو تتصارع معاه على الاداره . ايضا يكون لك معاه تصور وقت الازمات . لذلك اذا كنت محتاج شريك ! فكر جيدا حتى لا تخسر تعبك وجهدك وتتهمه انه سبب فشلك . العمل القوى خالى من العاطفه فلا تدخل عواطفك فى عملك أبدا مهما كانت الأسباب . وتفرق بين العاطفه والرحمه حتى لا تتخلط عليك الأمور .
نفس الامر لفريق العمل . ممكن تجد شخص محترف يفيدك . لكن أخلاقيا قد يضرك . هنا علاقتكم تقتصر على العمل فقط وطبعا لازم تتحرى أمنيا عن كل شخص يعمل معك . ولو أنت رب العمل ! متهزرش ولا تمزح مع الناس أثناء العمل ولازم يكون عندك هيبه وتحافظ على احترامك خاصة من أفراد الاسره والاصدقاء لو استدعى الأمر وعملتم معا .
الناس اللى شغاله معاك . لازم تشترى ولائهم بالبونص والمكافأت وأخر كل عام لازم تعطيهم من أرباح المشروع . هذه النقطه للأسف أغلب رجال الاعمال يتجاهلونها وهى سبب هروب الكفاءات الى الخارج الى الى المنافسين .
عملك سهل جدا تديره وتراقبه من على بعد . وهذا شىء اساسى لأن الموظف أو العامل هينتج أكتر لو عرف أو حس أنه مراقب وايضا هو مفيد لك أمنيا وهيوفر عليك جهد وقصص ورغى كتير . بجانب مراقبة عملك . لابد أن تشرف عليه اشراف كامل . لانه لن تجد أحد يحرص على مالك وشركتك الا أنت وحدك لا شريك لك .
نأتى للفرص وكيف نعمل وقت الأزمات وتجنب هزات السوق ؟
هذا سيكون حديثنا فى الجزء القادم
بناء النفس شىء صعب جدا لكن لكل مجتهد نصيب ورجاء الا تركز على صرة رجل الأعمال الذى يدخن السيجار ويوقع على الشيكات ويعقد الصفقات بجوار السكرتيره الحسناء . هذا مشهد أخير يسبقه مشاهد عانى فيهم معظمهم من جهد وفشل وتعب وخيبة ظن أعقبهم النجاح لكل من حاول وقام على أقدامه من جديد .
اتمنى لكم الوفره والجزء القادم سنوضح فيه فرص منسيه وقت الأزمات وكيف تتجنب الفرص السهله وتكون لك قراءه مستقبليه لمهن ومنتجات ستكون حديث الناس ومحط اهتمامهم .
أخيرا وانت لوحدك . نادى بصوت واثق على المال 9 مرات كانك بتنادى على شخص . مع توكيدات ان المال بيحبك وانك مسرف فى انفاقه
هتعترف على كلمة مسرف ؟ هقولك فكر بعقلية المال لأنه يحب المسرفين عكس المؤمنين محبى الزهد والضنك . واياك تنسى ان المال ملحد لا يقيم وزنا لايمانك بل لقوتك وجمالك وكلامك .
الايمان محله القلب وهو سر بينك وبين ربك . انما المال ميعرفش ولا يهتم بهذه الأشياء .
لسا عايز تبقى رجل أعمال ؟ ولا تبقى كما أنت موظف أو عامل تهرب دوما من عضات ارتفاع الأسعار ولن تنجو على أية حال .
اتمنى لك الوفره ورغد العيش وراحة البال .