الغيره والحسد
صفات سيئه متفشيه فى المجتمع
بحس بيهم جدا من خلال تفاعل الناس مع كتاباتى
تتكلم عن الأديان الأخرى ! المؤمنين يتقمصوا ويقولك أيه الكفر دا
تتكلم عن الإسلام ! تلاقى النصارى زعلوا والملحدين قلبوا شفايفهم.
تتكلم عن الأديان والحضارات التانيه ! المسلمين يقولك دا معندوش إنتماء ومشرك.
نتكلم عن مصر بس يقولوا انت عنصرى ليه ما بتذكر حضارتنا وتتجاهلها.
نتكلم عن عن المحن نفسه . يطلع واحد يقولك عيب يا أخى أنت ما تستحى.
ولو سكتنا خالص يقولوا عامل مصيبه او ربنا خلصنا منه .
احترت فيكم إيها الناس . مش كفايه اللى الدنيا عاملاه فيكم! لا لسا عندكم من القوه الوقحه انكم تناظروا وتعترضوا وتقولوا رأيكم بكل حريه.
بزهق بسرعه ودا سبب التكرار الممل لحملات البلوكات . كتير قولت ساعدونى أكون مؤدب وظنى فى ربى جميل.
الفتره القادمه سيكون الإهتمام الأول بطلاب أجارثا وخاصة المشتركين فى برنامج ال VIP. وأبشرهم بقرب إنتهاء النسخ الجديده من اللى درسوه وسنطلعهم على كل التطورات والترخيصات وإتفاقيات التعاون التى حصلت عليها الاكاديميه خلال الأشهر القليلة الماضيه.
الحديث العام غير مأمون العواقب لأن تناول المعرفه شىء مزعج خطير. أتفهم المقاومه وهى تعادل إمتصاص رطوبة الكلمات وهى أيضا تعمل عمل الفرامل وكسر للإيجو الذى ينبت مثل الأظافر وينبغى التخلص منه يوميا .
الشخص الحاسد سهل جدا تعرف علامته وهى نهمه الشديد للملح . لأن الملح يمتص الرطوبه . ولو انت محب للملح! أعرف ان إيريس هو من يثير فيك الغيره لأنك بوضعية وتفكير الحمل الضحية والذى يقارن نفسه بالاخرين وهذا ما يوقعه فى المشاكل وبينضرب وينهان ولا يتعلم بالتكرار حتى يتوقف عن مقارنة نفسه بمن حوله.
المقارنه تجلب إحتقار المال لصاحبها وهى تؤدى للجشع والذى بالتالى يؤدى لأبو الرذائل وهو الكبرياء.
كلنا واحد لا يوجد أى خلاف إلا بالتركيز العقلى بالقرب أو البعد عن مصدر الوجود. وأغلبنا بعيد جدا وهو يظن انه قريب وهذا يرجع لأن الملح كريستال يعيد رسم صور الافكار داخل العقل فيعتقد انه فى عالم واقعى وأنه عاقل متمكن وعليم.
هنا تفهم الأية التى تقول:"يا حسرة على العباد"